اجازة الخميس … نو مور

قرار إنه الجمعة والسبت أجازة إسبوعية بدل الخميس والجمعة

جانا فجأة ، بدون مقدمات أو إستعدادات نفسية مسبقة D:

الحلو إننا في لونق ويكند حالياً .. وأمس كان أخر يوم خميس كإجازة ..

يوم الخميس .. ياعيني على يوم الخميس

يوم النوم العالمي ، لا , عفواً مو العالمي .. يوم النوم المحلي السعودي

والبلايستيشن ، والأفلام وتويتر والخرجات والأهل والصاحبات والحبايب والسهر الصبّاحي

أنا رابطة يوم الخميس في مخيلتي بوجه سمايلي منشكح D:

هو اليوم الفلة بين أخواته ، لا دراسة ولا شغل

مسؤوليتك في دا اليوم تبسط نفسك ، من وقت ما تصحى لحد ما تنام لنفسك ..

ومجرد فكرة إنه حنقوم بدري في يوم الخميس الحبيب زي كأنك أكلت كف في عز الإنبساط ..

طبعا الإحساس دا لسة حنجربه من الأسبوع الجاي ، فإختبروا مشاعركم ياقوم و إختزلوها للذكريات ..

وبعدين إحنا نسوي لنا شعارات ونقعد سنين عليها ” اليوم ربوع والقلم مرفوع ” نحمس نفسنا لإستقبال أجازة الخميس

دحين من حق الخميس برضوا يكون له شعار نرفع معنوياتنا بيه لإستقبال أجازة الجمعة

بس بصراحة أحقية مين يألف الشعار ليوم الخميس هم جيل الفلة جيل الآيباد

جيل الطيبين لاحد يتدخل لو سمحتوا .. إن هذا الزمان زمانهم

رغم انهم في إجازة دحين ومتأخرين عن الإحساس بالحدث المحلي الهام هادا

و اليووووم الجمعة ، اللي أنا لسة فيه ما تخلصت من إحساس إنه في بكرة دوام

يوم الإستكنان ، ماعاد نفكر بالتجهيز للدوام ولا نعمل حساب النوم بدري اللي أصلا مابيجي بدري ..

الواحد يتقربع في سريره لبعد نص الليل ، شوية تنام على جنبك اليمين وشوية يسار

وشوية على بطنك وبعدين على ظهرك ، تنام على مخدتين ، ترمي وحدة وتحضن وحدة

وبرضوا ما ينفع .. تدخل تويتر ويعدي الوقت ولما تتذكر الدوام وانه لازم تنام ترمي الجوال

وترجع زي سيخ الشاورما لما يدور تتقلب في السرير..

وقلك إيش السبت ضاعت هيبته !!

عشان بغض النظر عن كل المعاناة اللي بتصير بالليل مو مهم لأنك حتقوم فيه من بدري زي الشطار ..

بداااااية اسبوع ودوامات ، كأنه يوم السبت متفق مع الجمعة يعملوا علينا مؤامرة

خليني أعترف ، المشكلة مو مشكلة إيش هي أيام الأجازة أو أي يوم هو بداية دوام

هي بس مشكلة نفسية عندنا .. وتهمة المؤامرة أهي لبست في يوم السبت و الأحد

عموماً .. إجازة سعيدة ياقوم

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

على فسطاط الأمير

غارة نغيرها أم نفوس نغيرها ...

www.Nadae-Shop.com

زوار مدونتي الحلوين ..تم الانتقال الى متجر جديد حياكم الله .. لاعاد اشوفكم هنا خخخخ

تراقيم

هي كلمات رقمتها تحكي عن مشاهدات وأفكار جالت يوماً في مروج ذاكرتي ، أحببت أن تشاركني أيها القارئ متعة قراءتها كما استمتعتُ بترقيمها .. فإن أعجبتك فاحتفظ بها في المفضلة ، وإن أحنقتك فبإمكانك دائماً أن ترمي بها في سلة المهملات .

%d bloggers like this: